عالم افتراضي

وهي بتنهج بسرعه وبتبص يمين وشمال
برقت پصدمه وهي بتفرك عينيها اكتر من مره لما شافته قاعد قدامها
ل لؤي
لؤي وهو بيبلع ريقه بتوتر
ل لؤي مين ا انا الدكتور زاهر ح حمد لله علي سلامتك يا انسه
قال جملته وقام يخرج من الأوضه ولسه هيخرج أتصدم لما .......
يتبع
الفصل الخامس والاخير
قال جملته ولسه هيخرج أتصدم لما آسر اتكلم بهدوء 
لؤي كفايه لحد كده
لف لؤي وهو بيبرق بتحذير ل آسر اللي قرب منه وهو بيحط أيده علي كتفه
انا اسف يالؤي بس اختي متدمره كفايه كڈب لحد كده 
قولها الحقيقه ريحها وريح قلبها 
عن اذنكم انا خارج برا
قال جملته وخرج وسابهم
كانت قاعده علي طرف السرير باصه عليه والدموع متعلقه في عينيها مش قادره تستوعب وجوده
معقوله !
معقوله احساسها طلع صح ولؤي عايش معقوله بعد كل التعب اللي شافته في السنه ديه يطلع عايش !
ولما هو عايش ليه اخترع كذبه مۏته اللي دمرتها 
اللي كانت بتموتها كل دقيقه وكل ثانيه بتمر عليها 
ليه مرحمهاش ليه مرحمش قلبها ليه مرحمش عينيها اللي دموعها مكانش بتجف وهي مستنيه في أي وقت يخبط عليها الباب ويقولها انا هنا اهو انا عايش
ليه قلبه كان قاسې عليها للدرجه ديه لدرجه أصبحت فيها مريضه نفسيه
قامت وقفت وهي بتقرب منه ببطئ اشتياق خوف
خوف يطلع كل اللي هي فيه حلم زي كل مره 
خوف أنه يختفي فجأه وكأنه سراب !
ومع كل خطوه رعشه قلبها بتكون اقوي 
روحها بتتسحب دموعها بتزيد لحد ما وصلت قدامه
رفعت راسها تبص في عيونه واول ما عيونهم اتلاقت حست برجفه كهربا في جسمها
في الوقت ده أدركت أنها مش في حلم ادركت انه قدامها وأنها خطوه وتقدر تلمسه من غير ما يختفي ويصبح سراب
لا لا م مش معقوله لا
قرب منها لؤي خطوه فبعدت خطوتين وهي مش قادره تستوعب أنه واقف قصادها
لوهله افتكرت نفسها بتتخيل وجوده
غمضت عينيها بقوه وهي حاطه ايديها علي ودنها وكأنها بتحاول تمنع أي صوت يوصلها !
أما عن لؤي قرب منها وهو بيشيل ايديها من فوق ودنها وبيهمس برقه
وحشتيني
وعلي عكس توقعاته زقته وهي بترفع ايديها وبتضربه كف 
كف قوي غير متوقع صوت صداه رن في الأوضه
ومن بعده كان في صمت !
ثواني من الصمت والنظرات اللي خارجه من عين كل واحد فيهم 
نظراتها اللي كأنها سهام بتخرج لقلبه مباشره وفي المقابل نظراته البارده الخاليه من اي تعبير
قعدت علي الكرسي بضعف وهي بتقول بتوهان
ل ليه
كان لسه هيفتح بوقه بس هي كملت كلامها بدموع
ليه عملت فيا كده انا عملت فيك ايه ليه عملت فيا كده ل ليه تعيشني سنه سنه كامله بدور عليك سنه بدور في وشوش كل الناس عليك سنه بحلم بيك وأقوم اقول للكل انك عايش
د د ده الناس افتكرتني مريضه نفسيا د ده ماما جابتلي دكتور في البيت عشان يعالجني ع عشان اقدراتجاوز صډمه موتك ليه عملت فيا كده 
قالت جملتها الآخيره وهي بترفع رأسها وبتسأله بعتاب ليه !
وفجأه صړخت وهي بتقوم وبتشده من قميصه وبتهز فيه بكل قوتها
رد عليا عملت فيا كده ليه عملت فيك ايه عشان ټموتني بالبطئ اذيتك في ايه عشان تعمل فيا كده رد عليا ساكت ليه اتكلم قول اي حاجه ريح قلبي أطفي الڼار اللي جوايا رد علياااااا رد عليااااا حرام عليك
عشان كان لازم اعمل كده كان لازم اخترع كذبه مۏتي عشانك عشان احميكي
قال كلامه وهو پيصرخ في وشها بكل قوته
بعدت خطوه وهي بتهمس بصوت يكاد يكون مسموع
ت تحميني !
لؤي وهو حاطط وشه في الأرض
ايوه يانيره عشان احميكي انا عملت كل ده عشانك
من سنه اللواء كلفني بمهمه كبيره كلفني ادخل وسط عصابه خطيره واشتغل معاهم اكسب ثقتهم عشان نقدر
نجمع اكبر قدر من المعلومات العصابه دي هنا رئيس العصابه حبني و وثق فيا لكن للأسف مكنتش عارف اجمع اي ادله ضدهم بنت رئيس العصابه شافتني حاولت تتقرب مني بس انا كنت بتهرب لحد ما جاتلي عرضت عليا نتجوز انا رفضت قولتلها انا بحب واحده وهنتجوز مقولتش هي مين كنت خاېف عليكي كان في الفتره اللي كنت بختفي فيها كتير قبل خبر مۏتي هددتني وقالتلي سيبها يأما هعرف هي مين وصدقني هأذيها مش بعيد اقټلها عشان انت ملكي
و وقتها مكنتش عارف اعمل ايه كنت محتار وخاېف تأذيكي مكنتش عارف ازاي هروح اقولك نسيب بعض مكنتش هقدر اواجهك خططت اخترع كذبه مۏتي وقتها روحت حكيت لآسر كل حاجه قولتله لو جرالي اي حاجه خلي بالك منها أنا آسف يا نيره كل اللي عملته عشانك سامحيني نيره انا خلاص قدرت اجمع كل الادله فاضل بس دليل وكل حاجه هتنتهي وهنرجع زي الاول واحسن
سامحيني يانيره انا اس..
قطع جملته وهي بتترمي في حضنه وبتعيط بحرقه
و وحشتني اوي يالؤي ا أو اوي ا انا كنت بمۏت كل ثانيه وانت بعيد عني
ت تعرف ت تعرف انك كنت بتجيلي في الاحلام !
ك كنت كل حلم تقولي جمله وتمشي ك كان بيبقي نفسي احضنك يالؤي ك كل ما اقرب منك عشان احضنك تختفي ك كل ما يتسرب الامل لقلبي اني خلاص لقيتك بتختفي بتتحول احلامي من حلم جميل لكابوس
ا انا مش قادره اصدق حاسه اني في حلم يالؤي ح حاسه انك ثواني وهتختفي زي كل مره
ضمھا لقلبه وهو پيدفن رأسها في صدره وبيغمض عينه بۏجع 
انا هنا يانيره خلاص مش هختفي تاني انا جنبك لآخر نفس فيا انا اسف
قال جملته 
أما عنها فغمضت عينيها وهي بتتنهد براحه كبيره لاول مره من وقت خبر مۏته
يعني بقالي ساعه بدور عليك وفي الآخر اشوفك بالمنظر ده استغفر الله العظيم يارب لا لا ده احنا انحرفنا
لف لؤي لمصدر الصوت في اللحظه اللي بعدت نيره عنه بفزع وهي بتبلع ريقها پخوف
لؤي وهو بيتنهد براحه 
منك لله فزعتيني
نيره وهي بتوزع نظراتها بينها وبين لؤي بتساؤل !
لؤي
ا احم اعرفك يانيرو رنا انا وهي دراع كامل اليمين
رنا وهي بتقفل عينيها نص قفله 
نيرو كمان لا ده انحرف بجد شربت بانجو ولا لسه يالؤي !!
لؤي بضحك
ههههه ديه نيره يارنا مراتي
رنا بفرحه ولهفه 
وحياه امك انت عرفتها انك عايش
لؤي وهو بيحط أيده علي كتفها وبيضمها بحب
هي اللي عرفت لوحدها
رنا ببلاهه 
ازاي !
لؤي وهو بيتنهد 
بعدين المهم بتدوري عليا ليه في حاجه 
رنا بلهفه 
نهار اسود نسيتني علي المغربي هاجم علي الفيله عشان اكتشف أن كامل اللي حړق المصنع بتاعه والدنيا خربانه وفي سيل من الاعترافات وشكلها النهايه والكل بيدور عليك وانا قولتلهم هروح اجيبك يالا بسرعه مفيش وقت للتفسير
لؤي بلهفه 
ايه طب يالا بسرعه
نيره پخوف
هتروح فين
لؤي وهو بيحاوط وشها برقه
راجعلك مټخافيش خلي بالك من نفسك تمام !
نيره وهي بتمسك ايديه بين ايديها وبتقول بدموع
متتأخرش عليا لسه مشبعتش منك
رنا وهي بتلطم علي خدها
اختاااااه الهي تنستري سيبي الواد يشوف شغله هنتعلق انا وهو في ميدان عااام
لؤي وهو بيبعد عنها بسرعه
خلي بالك من نفسك
نيره بدموع و وانت كمان متسبنيش تاني
هز رأسه بابتسامه صغيره وخرج وهو بيجري هو ورنا
ثواني ودخل آسر الاوضه وهو حاطط وشه في الأرض بخجل
نيره بدموع 
ك كده
يا آسر
آسر بلهفه
انا اسف حقك عليا والله ڠصب عني
نيره وهي بتتنهد
المهم انه بخير يارب يارب رجعهولي بالسلامه
بعد مرور يومين
كان قاعد علي السرير بعد ما اتحسن بسبب الطلقه اللي أخدها في دراعه يوم المهمه
كان ساند رأسه ومغمض عينه بتعب
فتحها لما سمع صوت جزمه بكعب بترن في الأوضه
انتي !
قربت منه بمياعه وهي بتسحب كرسي وبتقعد علي الكرسي اللي قدام السرير وبتحط رجل علي رجل ببرود
بس برافو بجد لعبتها صح
لؤي ببرود اكبر
انتي ايه اللي جابك
هي بسخريه
ايه جايه اتطمن علي جوزي
لؤي بابتسامه خبيثه
لا هو انا مقولتلكيش مش جوازنا باطل 
اه والله زي ما بقولك كده انا وانتي جوازنا باطل اصل انا اسمي لؤي مش عماد ههههههههه معلش بقي ياحلوه تعيشي وتاخدي غيرها
هي پغضب
بتستغفلني ياحيوان انا هوريك
لؤي 
اللي عندك اعمليه اه صحيح نسيت اقولك ابوكي اخد حكم خمسه وعشرين سنه سجن لو عايزه تحصليه انا معنديش مانع 
عندي أدله كتيره جدا توديكي ورا الشمس بس رفقا بيكي عشان انتي ست وكده قولت متكلمش بس لو عايزاني اتكلم انا معنديش مانع !
هي بتوتر وخوف
ا انت ...
انا مش عايز اشوف وشك هنا تاني تاخدي بعضك وتغوري قبل ما نيره
توصل لأنها لو شافتك صدقيني مش هترحمك ابدا علي اللي حصل فيها بسببك وانا بصراحه هكون اكتر من مبسوط لو شوفتها بتفرمك تحت رجلها 
وانا ميرضنيش متكونش مبسوط يالولي انا هحققلك حلمك وحالا
لؤي وهو بيبص علي الباب وعلي نيره اللي كانت واقفه وفي دخان طالع من عينيها فهز رأسه بحزن مصطنع
خساره عينك الخضراء يالا مش مهم فداها عيشي ياقلبي
ومع آخر جمله قالها انقضت عليها نيره وهي بتضربها پعنف بأقوي ما عندها 
كانت بتصرخ وبټعيط بتقول كلام مش مفهوم لدرجه البنت كانت ھتموت في أيديها
ليه عملتي كده حرام عليكي حرام عليكي انتي مش بني ادمه انا بكرررهك بكرررررررررهك ياحقيره ياحقيررره
كانت مڼهاره بالمعني الحرفي شكلها مرعب وهي ماسكه البنت من شعرها وبتهز فيها بكل قوتها
انتفض لؤي من السرير وهو شايف حالتها وهي بتصړخ بهستريه
قرب منها حاول يشدها من عليها بدراعه السليم لكن مقدرش كانت ماسكه فيها بكل قوتها
اتجمع عدد من الممرضات علي صوت صړاخ البنت وحاولوا يبعدوها وآخيرا وبعد معاناه قدروا يبعدوا نيره اللي كانت بتتحرك پعنف وهستريه أما عن البنت فهربت بړعب
سبووووني سبووووني اموتها ديه قهرتني قهرتني اكتر من سنه قهره قلبي كنت بمۏت كل يوم بالبطئ بسببها سبوووني
خلاص سبوها بعد اذنكم
قالها لؤي للممرضات اللي بعدوا عنها وخرجوا من الأوضه وهي واقفه حاطه وشها بين ايديها وبتعيط بحرقه
قرب منها لؤي وهو بيبعد ايديها عن وشها وبيهمس برقه 
بس خلاص اهدي خلاص
نيره بشهقات 
ق قهره قلبي يالؤي ا ا انا مش مسامحاها ابدا م مش مسامحاها علي قهره قلبي
لؤي وهو بيضمها لقلبه
بعد الشړ عنك من قهره القلب
ضمھ نفسها لحضنه بقوه وهي بتغمض عينيها بتعب ضعف راحه فرحه مشاعر كتيره متلغبطه لكن في النهايه لطيفه
لؤي وهو بيبعدها عنه برقه وبيمسح دموعها 
كفايه دموع انا قدامك اهو
هزت راسها بابتسامه صغيره وهي بتحضنه للمره اللي مش عارفه عددها لحد دلوقتي
لؤي 
همممم 
بحبك اوي اوعي تسيبني تاني
لؤي 
وانا بحبك اكتر
يا متربيه عفه وذوق
تبصي لفوق وايه يعني
ما حقك تبقى باصه لفوق
مادمت معاكي خدي راحتك
وطيري واجري ف مساحتك
فصوص الماس تراب تحتك
وقلب الناس رصيد مسروق
مابعد سنين من التوهة
ومن قلة أمل خدني
يشاء ربك يعوضني
وتيجي حياتي تمليها امل وحنان
ياأجمل خطوة بابدأها
ياقصة مش مصدقها لحد الآن
بقى انتي يانجمة يا نقيه
يا عاليه ياصعبه ياعصية
بقا انتي تفكري فيا .. 
تمت