زوجتي العزيزه

منقول
انا اتجوزت ف ٢٠١١ وساعتها كنت مدمن وبشرب وباخد كل حاجه ومراتي ما كانتش تعرف و ف اول اسبوع م الجواز قولتلها ف الله يباركلها قالتلي طب لازم تبطل وبعد ٥ ايام بدأت ابطل واتعالج وطبعا كنت باخد منومات وجسمي كان بيتكسر وهي ما كانتش بتنام كانت بتسهر عشان تشربني وتدعكلي جسمي وفعلا كانت بتنام بمعدل ٣ او ٤ ساعات ف اليوم ومع ذلك كانت بتنضف شقتنا وتنضف شقة ابويه كمان وكانت بتتعب جدا وطبعا ابطل وارجع وابطل وارجع ..سنه ع الحوار دا وف نهاية السنه جواز طلقتها
بعدين هي حاولت ترجعلي تاني
وانا حسيت اني من غيرها هضيع

وطبعا اهلي كانوا رافضين واهلها كمان لان بنتهم اتطلقت من غير اسباب دا غير انها كانت رايحه عند اهلها تزورهم وهي هناك كلمتهم وقولتلهم بنتكم ما تجيش تاني وبعد يومين بالظبط كنت مطلقها ..المهم بعد مشاكل كتير دا غير انها اتهمت في عرضها من طرفنا وبرضه أصرت ع الرجوع ووقفت ادام اهلها وكانت بتنضرب منهم ل درجة انها اتعورت واتخيطت ..ف عرضت ع اهلها امضيلهم ع شيك ع بياض وقايمه ب ١٠٠ الف مع العلم ان قايمتها كانت ب ٤٠ الف..ومضيت ع ورقة ان اي امضاء منها وانا متجوزها لا يعتمد بيها ..
ورجعنا وعشنا مع بعض ف بيت بالايجار وطبعا حاولت معايا عشان ابطل ولمدة ٣ سنين ابطل وارجع وهكذا وكنت اضړبها واخد دهبها ابيعه عشان اشتري ممنوعات وما كانش بيكون فيه اكل ف البيت ف كانت تصوم
طبعا مشاكل كتير جدا وهي تعبت كتير جدا يعني روحت مره اتعالج ف بيت ابويه ف ماكانوش يدوها اي فلوس وطلعت تشتغل ف كانت بتمشي رايح